Маңғыстау облысы студенттері арасында «Стартап-марафон – 2026» байқауы өтті
Yessenov University «Бизнес және туризм» факультеті «Экономика және қаржы» кафедрасының ұйымдастыруымен Маңғыстау облысы студенттері арасында «Стартап-марафон – 2026» байқауы өтті.
Іс-шара Кәсіпкерлік және қаржылық сауаттылық пәні аясында ұйымдастырылып, студенттердің кәсіпкерлік қабілеттерін дамытуға, инновациялық идеяларын қолдауға, стартап жобаларын әзірлеу дағдыларын қалыптастыруға және жастар арасында кәсіпкерлік мәдениетті кеңінен насихаттауға бағытталды.
📊 Сандармен
Байқауға университеттер мен облыстық колледждердің студенттері қатысып, жалпы саны 67 команда өз жобаларын ұсынды. Іріктеу кезеңінен өткен 24 команда финалда бизнес-жобаларын қорғап, өз идеяларының әлеуетін таныстырды. Сонымен қатар қатысушылар көрмеге қатысып, әзірлеген жобалары мен тың бастамаларын көпшілік назарына ұсынды.
